بسم الله الرحمن الرحيم
النفق الاسود
طريق عُبد بالوعود ..أناره مكر السياسيين الاجانب .. شرعه الصمت العربي المتخاذل .. وافق عليه الجوع الفلسطيني القاتل .. طريق فرشه البنك الدولي باللون الاخضر الفاقع ...كل من يدخله يصبح ساقط .. كل ذلك من اجل سلام واهم ..الفلسطيني عيش يا قديش .. اما اليهودي بعيشته هانىء .. طحين وسردين وحليب هذه قضية الللاجىء .. اما الباقي على رغيف الخبز باحث .. الكل ماشي مثل السكران نحو لقمة العيش راكض .. اما السياسي على المحطات لازق .. ببرم وبحكي ويا ريت في حدا سامع او فاهم .. والموظف والفدائي بستنى الراتب
والكلاشن من انتظار الاوامر صار صادىء .. وشعب مسكين عن الحقيقه باعد .. والامور بتمشي كأن الشيطان الها راعي وحافظ .. هيك بعد النفق صارت الدنيا يوم حاجز وبكره تاني حاجز صارت حياتنا حواجز ..يوم اجتياح ويالليل اجتياح صار كل ليله امر واقع ..بعد هيك بعملوا لقاء بس ما منوا اتفاق – ولقاء تاني ما منوا اتفاق
وتالت ورابع هذا اولمرت بلعب لعبة الكذاب الساحر .. بدوا شيخ وكاهن وراهب يقرؤا على الظالم .. وعفريت البيت الابيض اخرس ساكت .. رسم حدود مشكلتنا ويا ويلي على القادم الله يرحمنا من القادم .. وخجل عربي صامت كأن الجميع للمقدسات بائع وخائن .. مع انوا ذهبهم الاسود بشتري البيت الابيض والكرملل وقصر الاليزيه الفاخر .. بس يا حسره مين يشتري الوسكي والفودكا والبغاء الساقط .. صحه يا عربي بكره بتروح السكره وبتيجي الفكره ورح تشوف شو صار ببيتك الي كان عامر .. هي العراق وهي لبنان وبكره سوريا وانت لسه قاعد .. مش بس هيك ما تركتونا بحالنا خليتوا جرحنا ملتهب ووارم ..الاخ بطخ اخوه لانوا قال الوطن واحد
ايران وسوريا ما بدهم نكون وطن واحد .. حتى قطر الامريكيه طلعلها صوت بهل الموضوع شو بدها ؟؟ ما بدها فلسطين وطن واحد .. الله يخزيكم يا فرس ويا عرب ويالي رديتوا عليهم صورتوا زيهم فاسق وفاجر .. آل شو لسه بخطبوا وبصرخوا بقولوا احنا شعب ووطن واحد .. ذبحوا وقتلوا ونهبوا ولسه بدهم حكومة وحده بدل الطوارىء .. عيب عليكم اول روحوا اتغسلوا واتوضوا واتشاهدوا وصلوا وحجوا منشان يرضى عنكم رب المكارم .. يا اخي لسه بتواقحوا بقولوا احنا منشان الوطن بنحارب .. شفنا حربكم على مين كانت يا كتائب وشفنا سلاحكم الي كان بالاجتياح متخبي بالخنادق ..وانتوا يا فصائل صار موقفكم من هل الاحداث واجب .. صمتكم وعجزكم بخلي الدور عليكم لاحق .. توحدوا معنا منشان هل الوطن المغدور من اقرب الاقارب .. وانت يا فتح بكفي تجولي وتخولي لان الهزيمه اصبحت امر واقع .. اتوحدي واتجددي لانك امل الشعب الصامد .. اما انت يا حكومة الطوارىء امامك مشوار طريقه بالشوك وافر .. بعينك الله اتحملي واصبري منشان الشعب الصابر ..
اما انت يا رئيس خليك واضح وصادق باذن الله ستنجوا انت وشعبك من المكائد والمصايب .. الله معك والابرياء معك والمظلومين معك وكل الشرفاء الوطنيين بهل الوطن معك الله يبعد عنا وعنكم شبح النفق الاسود الحالك
%%%%%%%%%%%%%%%%%%%%
تحياتي لكم
موضوع: النفق الاسود............... 
الثلاثاء يونيو 26, 2007 9:58 am
